ढाका (बंगलादेश) – हजरत साहजलाल अन्तर्राष्ट्रिय विमानस्थलको कार्गो खण्डमा शनिबार दिउँसो भीषण आगलागी भएको छ। आगो नियन्त्रणमा लिन ३६ वटा दमकल युनिट खटिएका छन्।
बंगलादेशको डेली स्टारका अनुसार दिउँसो करिब २:३० बजे गेट नम्बर ८ नजिक आगलागी सुरु भएको हो। आगो निभाउन अग्नि सेवा, नौसेना, वायुसेना र सीमा रक्षक बलका टोलीहरू समेत परिचालित छन्।
आगलागीका कारण कम्तीमा पाँच उडानहरूलाई चटगाउँ र सिल्हेटका विमानस्थलमा डाइभर्ट गरिएको ढाका विमानस्थलका स्रोतले जनाएका छन्।
